Die VLV se Kuruman-tak is met 3 918 punte as 2022 se wentak op die jaarlikse VLV Kalahari-sirkelkonferensie aangewys.
Op dié onlangse geleentheid by die Klondike Lodge buite Vryburg het die tak ook die volgende eerbewyse ontvang:
Meeste artikels ingeskryf (48 artikels);
die H. Verster-trofee vir takreaksie;
L. Saaiman-trofee vir finansverslag;
Lenie Combrinck-trofee vir reklame;
Annelize Marx-trofee vir tak wat die meeste nuwe lede gewerf het; en
die G.E. Smith-trofee vir tak met die meeste punte.
Lede het dié prestasies behaal:
Hekelwerk beginners: Erika Engelbrecht (eerste).
Hekelwerk gevorderd: Amelia Erasmus (1ste en 3de); en Maryke Strydom (2de).
Breiwerk gevorderd: Amelia Erasmus (1ste).
Masjienwerk beginners: Rina Scheepers (1ste); en Karin van der Walt (3de).
Masjienwerk gevorderd: Arina Beukes (1ste).
Weefwerk beginners: Arina Beukes (1ste); en Fransie Scanlen (2de).
Wissel-afdeling beginners: Fransie Scanlen (1ste en 3de); Karin van der Walt (2de).
Wissel-afdeling gevorderd: Zelda Lombaard (1ste); en Arina Beukes (3de).
Fotografie: Zelda Lombaard (1ste); en Hettie du Plessis-Krüger (2de en 3de).
Woordkuns: Hettie du Plessis-Krüger (1ste); Petro Spangenberg (2de); en Liza Burger (3de).
Handvlyt: Liza Burger (1ste); en Rina Scheepers (2de).
Beeldende kuns: Amelia Erasmus (2de); en Noeline du Toit (3de).
Blommerangskikking beginners: Alta Roets (2de); en Hettie du Plessis-Krüger (3de).
Gebottel: Elsabé Hennig (2de), en ook die derde plek in gebak.
