Die verhoor van Suretha Brits wat vanoggend (15/11) in Upington begin, gaan glo van haar medebeskuldigdes se verhoor geskei word.
Sy word van onder meer die huurmoord op haar man, Leon Brits, op 7 Oktober 2021 aangekla asook drie aanklagte van regsverydeling. Hy is met ‘n hondeketting verwurg en in sy swembad by sy huis in Pofadder gegooi.
Volgens ‘n ingeligte gaan haar verhoor van Amantle Bareki en Enrich Williams, die vermeende moordenaars, geskei word. Jacques van Vuuren het reeds skuld beken en dien 20 jaar gevangenisstraf uit.
Adv. Barry Roux van Oscar Pistorius-faam en Sandy du Plessis tree namens Brits op.
Adv. Hannes Cloete kla aan
Kol. Pieter Benade is die ondersoekbeampte.
Sandy du Plessis van De Korte Du Plessis en adv. Barry Roux tree namens Suretha Brits op.
Oud-genl. Bushie Engelbrecht ondersteun Suretha Brits vanoggend.
Adv. Hannes Cloete pak sy aktetas uit.
Enrich Williams en Amentle Bareki in die hof. Suretha Brits moet by hulle aansluit.
