Ses leerlinge van Kimberley het onlangs aan die A+Students se nasionale jaarlikse kompetisie deelgeneem.
Op dié kompetisie, wat op 7 Oktober in Durbanville plaasgevind het, werk die leerlinge met ’n fisieke en ’n denkbeeldige abakus om hoofrekeningsomme in ’n kort tydperk van een en drie minute te bereken. Dit sluit plus-, minus-, maal- en deelsomme in.
Billy Paul Kayembe, wat ’n goue medalje gewen het, is gekies vir die Suid-Afrikaanse span wat in Desember in Dubai aan ’n internasionale kompetisie gaan deelneem.
Corné Pretorius, afrigter en franchise-eienaar van A+Students, vertel die program wat gevolg word, leer kinders om hoofrekene vinnig en akkuraat te doen, en help om ’n gesonde benadering en houding teenoor wiskunde te kweek.
Vir meer inligting oor A+Students, bel of e-pos Pretorius by 082-442-1029 en by cornep@aplusstudents.co.za.
