Laura Fouché en Lizette du Toit.
Die afgelope naweek het een van die sub-distrikte van Noord-Kaap-rolbal sy enkelspelkampioenskapsbyeenkoms in Hartswater aangebied.
Altesaam 25 van die beste mans- en 14 van die beste vrouespelers van oor die Intervaal-streek heen het aan dié tweedagbyeenkoms deelgeneem.
In die eindstryd het Wihan Smit van die Bloemhof-rolbalklub teen Robben Chaamano van die Warrenton-rolbalklub geseëvier.
Laura Fouché van die Schweizer-Reneke-rolbalklub het Lizette du Toit van die Bloemhof-rolbalklub in die vroue-eindstryd verslaan.
Dié wenners gaan eerskomende naweek saam met ander topspelers van oor die provinsie heen aan die Noord-Kaapse enkelspelkampioenskapsbyeenkoms in Kimberley deelneem.
