Noord-Kapenaars word gewaarsku oor ’n toename in motorkapings en roof wat met saamrygeleenthede saamval.
In ’n verklaring sê die Valke se provinsiale hoof, genl. maj. Steven Mabuela, dat mense bedag moet wees wanneer hulle rylopers oplaai; terwyl rylopers ook versigtig moet wees.
In van die gevalle is die ryloper die misdadiger wat die voertuigbestuurder met ’n vuurwapen beroof of dwing om by ’n kitsbank geld te trek of deur ’n selfoon-app oor te plaas. Soms word die voertuig gesteel. In ander gevalle beroof die een wat ’n saamrygeleentheid bied die ryloper.
Gevalle is onder meer in Hartswater en Kuruman aangemeld.
