Toegang tot plaaslike ontwikkelingsbefondsing, beskikbaar gestel deur ’n gemeenskapstimuleringsprogram, het sewe klein ondernemings in Springbok en omliggende gebied gehelp om meer volhoubaar te word, bedrywighede uit te brei en werksgeleenthede aan ander te bied.
Vent General Youth Development, ’n haarkapperonderneming, het een van die begunstigdes van die inisiatief geword.
Virgil Cloete, ’n toegewyde haarstilis, het reeds 14 jaar se ondervinding.
Hy het begin deur sy dienste aan huishoudings in die gemeenskap van Concordia aan te bied.
Met harde werk en toewyding het hy gewild geword en kliënte van Springbok en omliggende dorpe bedien.
Cloete het ook die inisiatief geneem om sy vaardighede en kennis te deel deur jong individue aktief te mentor en op te lei.
Dit demonstreer sy toewyding om die jeug te bemagtig en werksgeleenthede in die streek te skep.
Vir bykomende toerusting en hulpbronne om dienste te verhoog, het hierdie nie-winsgewende organisasie aansoek gedoen om befondsing deur die ABCD-program. Hierdeur kon onder meer haarknippers, skeermesse en stoele bekom word.
“Die fondse is aangewend om haarkapperstoerusting vir die onderneming te koop. Ek is baie dankbaar vir die ondersteuning,” sê Cloete.
Rouchet Daniels, die ekonomiese ontwikkelingsbestuurder vir Kangnas-windkragaanleg, wie die befondsers en ondersteuners van hierdie inisiatief is, sê: “Ons is verheug om hierdie ondersteuning te kon bied, aangesien die onderneming bo en behalwe alles sy gemeenskap te dien. Die befondsing sal ongetwyfeld bydra tot volgehoue sukses en groei, omdat meer kliënte bedien kan word, en dit geleenthede vir vaardigheidsontwikkeling bied.”
