Die Laerskool Staats in Kimberley bied vanjaar weer die Staats Pro 20-aandreeks aan.
Hiervoor ding 14 krieketspanne in twee groepe teen mekaar mee vir ’n kans om in die beker-, plaat- en skild-halfeindronde te speel.
Dié o.13-spanne is betrokke:
- Laerskool Staats;
- Laerskool Eureka;
- Kimberley Junior School;
- Laerskool Jacobsdal;
- Laerskool Newton;
- Laerskool Vooruitsig;
- Laerskool Hartswater;
- Futurum Akademie;
- Laerskool Seodin;
- St Patrick’s CBC;
- Kimberley Islamic School;
- HC Rose Hub;
- Yorkshire Hub; en
- Frank Roro Hub.
Die eerste wedstryde word in die week van 19 September gespeel, en die reeks sal oor vyf weke beslis word. ’n Openingsgeselligheid, met ’n kleure-oorhandiging, vind op 15 September in samewerking met die borge in Staats se klubhuis plaas. Die halfeind- en eindronde word op 4 en 5 November by Staats beslis. Die bepalings sal binnekort bekend gemaak word.
Staats nooi alle krieketliefhebbers in die Noord-Kaap om die aandreeks te ondersteun, en bedank die Spur, Hoërskool Noord-Kaap en NTLO Signs vir hul betrokkenheid.
Vir inligting kontak De Wet Kruger by 079-377-3628, 053-831-2035 of sport@staats.co.za.
