Suid-Afrikaanse sportondersteuners is verlede jaar trakteer met ’n rits wêreldbeker-toernooie in verskillende sportsoorte.
Vanjaar wag die grote, die Olimpiese Spele in Parys. Die vraag is of Suid-Afrika meer sukses sal behaal as die drie medaljes wat hy in Tokio gewen het. Bafana Bafana skop ’n besige sportjaar by die Afrika-beker-toernooi in die Ivoorkus af.
In Junie sal die Protea-mans mik na glorie in die T20-Wêreldbeker-toernooi in Amerika en die Karibiese Eilande.
Springbok-ondersteuners kan uitsien na ’n reeks teen Ierland en twee tuistoetse teen die All Blacks in die rugbykampioenskap.
’n Opsomming vir Februarie, en ‘n deel van Maart, saamgestel deur Netwerk24 se sportspan, van ander sportgebeure is:
Februarie
2-16 Februarie: Rugby: Sesnasiesreeks
2-18: Swem: Wêreldkampioenskappe, Doha
3: Krieket: SA vroue 1ste eendagwedstryd t. Australië
4-8: Krieket: Eerste toets t. Nieu-Seeland
7: Krieket: SA vroue 2de eendagwedstryd t. Australië
10: Krieket: SA vroue 3de eendagwedstryd t. Australië
10-11: Oopwaterswem: Midmar-myl
13-17: Krieket: Tweede toets t. Nieu-Seeland
15-17: Kanovaart: Dusi
15-18: Krieket: SA vroue toets t. Australië
19: Rugby: Varsitybeker-reeks begin
23-1 Jun: Rugby: Super Rugby Pacific
23-25: Sewes: Vancouver
25: Padwedlope: Breaking Barriers-wedloop, Gqeberha
29-2 Maart: Motorsport: F1-GP Bahrein.
Maart
1-3: Atletiek: Binnenshuise Wêreldkampioenskappe
2-3: Sewes: Los Angeles
7-9: Motorsport: F1-GP Saoedi-Arabië
10: Fietsry: Kaapstad-toer
10: Motorfietswedrenne: MotoGP Katar
16: Padwedloop: Om Die Dam-ultramarathon
17-24: Bergfietsry: Cape Epic
21-23: Atletiek: o. 18-, o. 20-, o. 23-kampioenskap, Pretoria.
